#ពហិការទំនិញថៃ

ថ្ងៃអវសាន នៃទំនិញថៃ នៅលើទឹកដីកម្ពុជា កំពុងតែខិតជិតមកដល់ហើយ ក្រោយសម្តេចតេជោ ហ៊ុន សែន ប្រមុខរដ្ឋស្តីទី បានបញ្ជាឱ្យអាជ្ញាធរទូទាំងប្រទេសបើកយុទ្ធនាការបោសសម្អាតរាល់ទំនិញរត់ពន្ធខុសច្បាប់ពីប្រទេសថៃ និងស៊ើបអង្កេតរកឲ្យឃើញអ្នកគប់គិតពាក់ព័ន្ធឱ្យដល់ឫសគល់។ ជាមួយគ្នានេះក្រុមអ្នកជំនាញសេដ្ឋកិច្ច និងភូមិសាស្ត្រនយោបាយបានបង្ហាញក្តីរំពឹងយ៉ាងមុតមាំថា តាមរយៈការរួមដៃគ្នារវាងការប្រើធម៌ក្តៅរបស់រដ្ឋ និងចរន្តពហិការដ៏ផុសផុលរបស់ពលរដ្ឋ នឹងរុញច្រានឱ្យទំនិញថៃ បាត់វត្តមានទាំងស្រុងពីទីផ្សារកម្ពុជា នាពេលអនាគតដ៏ខ្លីខាងមុខ។