ក្រោយចាកចេញពីនាយកដ្ឋានប្រសិទ្ធភាពរដ្ឋាភិបាល កំពូលមហាសេដ្ឋី អេឡិន ម៉ាស់ រិះគន់គោលនយោបាយពន្ធរបស់លោក ត្រាំ
ដោយ
ក្រោយលាលែងពីតំណែងជាទីប្រឹក្សារបស់លោក ដូណាល់ ត្រាំ និងចាកចេញពីនាយកដ្ឋានប្រសិទ្ធភាពរដ្ឋាភិបាល ត្រឡប់មកដឹកនាំក្រុមហ៊ុន SpaceX និងក្រុមហ៊ុន Tesla វិញមិនបានប៉ុន្មានថ្ងៃផងកំពូលមហាសេដ្ឋីមានទ្រព្យសម្បត្តិច្រើនជាងគេលើពិភពលោក អេឡិន ម៉ាស់ បានរិះគន់គោលនយោបាយមួយចំនួនរបស់លោក ត្រាំ។ ក្នុងនោះលោកបានចាត់ទុកច្បាប់កាត់បន្ថយពន្ធ និងសំណើថវិកាដ៏ច្រើនដែលរដ្ឋបាលលោក ត្រាំ កំពុងស្នើឡើង នឹងអាចធ្វើឱ្យប៉ះពាល់ដល់អាជីវកម្ម និងសេដ្ឋកិច្ចរបស់អាម៉េរិក។ នេះបើយោងតាមការចុះផ្សាយរបស់សារព័ត៌មាន អេភី។