#ចំណីអាហារ

នៅមួយរយៈពេលចុងក្រោយនេះ ព័ត៌មាននៃការរកឃើញសារធាតុគីមីក្នុងអាហារហូបចុកនៅប្រទេសវៀតណាម រាប់ចាប់ពីសាច់ខ្យង គ្រឿងទេស រហូតដល់កាហ្វេកំពុងបង្កជាកង្វល់កម្រិតអាសន្នដល់សុខភាពសាធារណៈ។ ស្របពេលដែលសត្រូវលាក់មុខទាំងនេះ កំពុងវាយលុកក្នុងស្រុកវៀតណាម ក្រុមអ្នកតាមដានសង្គមនៅកម្ពុជា ស្នើឱ្យរដ្ឋាភិបាលពង្រឹងការត្រួតពិនិត្យទំនិញនាំចូលពីប្រទេសក្បែរខាងកម្ពុជា មួយនេះ និងទំនិញមកពីប្រទេសផ្សេងៗទៀត ដើម្បីធានាថា រាល់ទំនិញនាំចូលទាំងអស់មិនបង្កបញ្ហាដល់សុខភាពរបស់ប្រជាពលរដ្ឋកម្ពុជា។