#ធនាគារកណ្តាលអាម៉េរិក

លោក ដូណាល់ ត្រាំ បានលើកឡើងនៅក្នុងបទសម្ភាសជាមួយសារព័ត៌មាន NBC ថា លោកនឹងមិនបណ្ដេញលោក ជើរ៉ូម ផៅវែល (Jerome Powell) ចេញពីតំណែងជាប្រធានក្រុមប្រឹក្សាភិបាលនៃធនាគារកណ្ដាលអាម៉េរិក មុនពេលអាណត្តិរបស់លោកបញ្ចប់នៅខែឧសភា ឆ្នាំ២០២៦ នោះទេ ព្រោះលោកមិនអាចរកបានអ្នកមានសមត្ថភាពខ្លាំងជំនួសលោក ជើរ៉ូម ផៅវែល ក្នុងពេលដ៏ខ្លីបែបនេះ។ ជាមួយគ្នានេះ លោកត្រាំ បានឆ្លៀតស្នើឱ្យធនាគារកណ្ដាលអាម៉េរិកបញ្ចុះអត្រាការប្រាក់ផងដែរ។ នេះបើយោងតាមការចុះផ្សាយរបស់ទីភ្នាក់ងារព័ត៌មានធំៗជាច្រើន។