#ប្រទេសអ៊ីរ៉ង់

ការតវ៉ាប្រឆាំងដែលមានរយៈពេលជាច្រើនថ្ងៃកន្លងមកនេះ កំពុងតែអង្រួនរបបដឹកនាំអ៊ីរ៉ង់ ដែលអំណាចទាំងស្រុងស្ថិតក្នុងដៃប្រមុខសាសនា។ ការតវ៉ានេះបានផ្ទុះឡើងកាលពីថ្ងៃទី២៨ ខែធ្នូ ឆ្នាំ២០២៥ ហើយមកទល់ពេលនេះ វានៅតែបន្តរីករាលដាលពាសពេញប្រទេស។ កត្តាសេដ្ឋកិច្ចជាប់គាំង សិទ្ធិសេរីភាពត្រូវបានរឹតត្បិត និងអតិផរណាដែលកំពុងហក់ឡើងខ្ពស់ បានរុញច្រានឱ្យក្រុមអ្នកតវ៉ាទាមទារឱ្យបញ្ចប់ការគ្រប់គ្រងតាមបែបសាសនា។ នេះបើយោងតាមការចុះផ្សាយរបស់សារព័ត៌មាន Channel News Asia។