#ស្វាយចន្ទី

រាជរដ្ឋាភិបាល បានដាក់មហិច្ឆតាប្រែក្លាយកម្ពុជា ជាអធិរាជស្វាយចន្ទី និងជាប្រទេសនាំចេញគ្រាប់ស្វាយចន្ទីច្រើនជាងគេលើពិភពលោកនាពេលអនាគត។ ស្របតាមចក្ខុវិស័យនេះ សមាគមស្វាយចន្ទីកម្ពុជាបានឱ្យដឹងថា បច្ចុប្បន្នក្រសួងស្ថាប័នពាក់ព័ន្ធបាននឹងកំពុងរៀបចំដាក់ដំណាំស្វាយចន្ទីនៅក្នុងខេត្តកំពង់ធំ ទៅជាផលិតផលម៉ាកសម្គាល់ភូមិសាស្ត្រទំនិញ (GI) ។ សមាគមស្វាយចន្ទីកម្ពុជា រំពឹងថា ក្រោយគ្រាប់ស្វាយចន្ទីរបស់ខេត្តកំពង់ធំ ចូលជាផលិតផល ម៉ាកសម្គាល់ភូមិសាស្រ្តទំនិញ វានឹងជួយជំរុញការបង្កើនតម្លៃទីផ្សារគ្រាប់ស្វាយចន្ទីនិងសក្តានុពលនាំចេញផងដែរ។