#ដោយ: តែម សុខុម

ទេសាភិបាលធនាគារកណ្តាលថៃ បានព្រមានថា សេដ្ឋកិច្ចថៃ នៅឆ្នាំ២០២៦ ត្រូវបានព្យាករថា នឹងសម្រេចបានកំណើនក្នុងល្បឿនយឺតបំផុតមិនធ្លាប់មានក្នុងរយៈពេលជាងមួយទសវត្សរ៍មកនេះ ខណៈដែលបញ្ហារចនាសម្ព័ន្ធដ៏រ៉ាំរ៉ៃនៅតែបន្តទាញទម្លាក់កំណើន។ លោក វិថៃ រតនាកន (Vitai Ratanakor) ទេសាភិបាលធនាគារកណ្តាលថៃ បានលើកឡើងថា ផលិតផលក្នុងស្រុកសរុប (GDP) របស់ថៃ ត្រូវបានព្យាករថា នឹងសម្រេចបានកំណើនទាបត្រឹមចន្លោះពី១,៥% ទៅ ១,៧% ប៉ុណ្ណោះក្នុងឆ្នាំ២០២៦ បើធៀបនឹងកំណើនចន្លោះ២,១% ទៅ២,២% ក្នុងឆ្នាំ២០២៥។ នេះបើយោងតាមការចុះផ្សាយរបស់កាសែតបាងកក ប៉ុស្ដិ៍។