#វិបត្តិមជ្ឈិមបូព៌ា

សង្គ្រាមដ៏ក្ដៅគគុកនៅតំបន់មជ្ឈិមបូព៌ា ដែលបានផ្ទុះឡើងជាង២សប្តាហ៍កន្លងមកនេះ ក្រោយការសម្រេចចិត្តរបស់លោក ដូណាល់ ត្រាំ ចាប់ដៃគ្នាជាមួយលោក បេនយ៉ាមីន ណេតាន់យ៉ាហ៊ូ វាយប្រហារលើអ៊ីរ៉ង់ កាលពីថ្ងៃទី២៨ ខែកុម្ភៈ កំពុងវិវត្តទៅរកភាពមិនច្បាស់លាស់។ ទោះបីជាទីក្រុងវ៉ាស៊ីនតោន និងតែតអាវីវ មានសុទិដ្ឋិនិយមថា យុទ្ធនាការនេះនឹងបញ្ចប់ក្នុងរយៈពេលត្រឹម៦សប្តាហ៍ក៏ដោយ ប៉ុន្តែអ្នកវិភាគព្រមានថា សេណារីយ៉ូនៃការជាប់ផុងក្នុងសង្គ្រាមនេះរបស់អាម៉េរិក កំពុងលេចរូបរាងឡើង ខណៈការសងសឹកពីសំណាក់អ៊ីរ៉ង់ នៅតែបន្តមានប្រសិទ្ធភាព។