សហគមន៍អន្តរជាតិនានានៅលើពិភពលោក ប្រារព្ធទិវាចងចាំដល់ជនរងគ្រោះនៃព្រឹត្តិការណ៍ហូឡូខូស
ដោយ
នៅថ្ងៃទី២៧ ខែមករា ជារៀងរាល់ឆ្នាំ សហគមន៍អន្តរជាតិនានានៅលើពិភពលោក តែងប្រារព្ធទិវាចងចាំដល់ជនរងគ្រោះនៃព្រឹត្តិការណ៍ហូឡូខូស។ កាលបរិច្ឆេទនេះ ត្រូវបានកំណត់ដោយអង្គការសហប្រជាជាតិនៅឆ្នាំ២០០៥ ដើម្បីរំលឹកដល់ការរំដោះតំបន់អូស្វីត-បៀកណូ ដែលជាជំរំសម្លាប់រង្គាលដ៏ធំ និងល្បីល្បាញបំផុតក្នុងប្រវត្តិសាស្ត្រ និងដើម្បីឆ្លុះបញ្ចាំងជាសកលពីគ្រោះថ្នាក់ នៃការស្អប់ខ្ពើមរើសអើងជាតិសាសន៍ ការបន្ទាបតម្លៃមនុស្ស និងបិទសិទ្ធិសេរីភាព។