#វិស័យពាណិជ្ជកម្ម

ស្របពេលប្រទេសនានា នៅលើពិភពលោក កំពុងប្រឈមមុខនឹងគំនាបពន្ធបដិការពី១០%ឡើងទៅពីរដ្ឋបាលសហរដ្ឋអាម៉េរិក ប្រធានអង្គការពាណិជ្ជកម្មពិភពលោក (WTO) លោកស្រី ង៉ោហ្ស៊ី អូកុនហ្សូ អ៊ីវីឡា (Ngozi Okonjo-Iweala) បានលើកឡើងថា ពន្ធបដិការរបស់លោក ត្រាំ កំពុងធ្វើឱ្យប៉ះពាល់ដល់ច្បាប់ទម្លាប់ពាណិជ្ជកម្មរបស់ពិភពលោក ដែលបានអនុវត្តជាយូរយារណាស់មកហើយ។ មេអង្គការពាណិជ្ជកម្មពិភពលោករូបនេះបានព្រមានថា ផលប៉ះពាល់ដែលបង្កឡើងដោយពន្ធបដិការរបស់លោក ដូណាល់ ត្រាំ នឹងឃើញច្បាស់នៅឆ្នាំ២០២៦។ នេះបើយើងតាមការចុះផ្សាយរបស់សារព័ត៌មាន Channel News Asia។