#វិស័យសេដ្ឋកិច្ច

អនុប្រធានាធិបតីអាម៉េរិក លោក ជេឌី វេន (JD Vance) កាលពីថ្ងៃទី៣០ តុលា បានព្រមានដ៏គួរឱ្យភ្ញាក់ផ្អើលថា សេដ្ឋកិច្ចអាម៉េរិកនឹងជួបវិបត្តិប្រសិនបើការបិទដំណើរការរដ្ឋាភិបាលបន្តអូសបន្លាយពេលយូរបន្ថែមទៀត ហើយ លោក ក៏បានព្រមានពីគ្រោះថ្នាក់របស់វិស័យអាកាសចរណ៍ផងដែរ។ ជាមួយគ្នានេះ ប្រធានាធិបតីអាម៉េរិក លោក ដូណាល់ ត្រាំ ជំរុញឱ្យលុបចោលច្បាប់តវ៉ានៅព្រឹទ្ធសភា ដើម្បីជៀសវាងការរារាំងរបស់គណបក្សប្រជាធិបតេយ្យក្នុងអំឡុងពេលបិទរដ្ឋាភិបាល។ នេះបើតាមការចុះផ្សាយរបស់សារព័ត៌មានធំៗជាច្រើន។