#វិស័យដឹកជញ្ជូន

រាជរដ្ឋាភិបាលកម្ពុជា បានបញ្ជាឱ្យសាលារាជធានីភ្នំពេញ បញ្ចេញរថយន្តក្រុងចំនួន៥៩៧គ្រឿង ដើម្បីដឹកពលរដ្ឋដោយឥតគិតថ្លៃក្នុងឱកាសបុណ្យភ្ជុំបិណ្ឌឆ្នាំនេះរយៈពេល៦ថ្ងៃចាប់ថ្ងៃទី២០-២៥ ខែកញ្ញា ឆ្នាំ២០២៥។ គោលបំណងនៃការបញ្ចេញរថយន្តក្រុងនេះ ដើម្បីជួយសម្រួលការធ្វើដំណើរ កាត់បន្ថយការចំណាយ និងការពារសុវត្ថិភាពជូនប្រជាពលរដ្ឋនាឱកាសបុណ្យភ្ជុំបិណ្ឌ។ មន្ត្រីជាន់ខ្ពស់របស់សាលារាជធានីភ្នំពេញ បានវាយតម្លៃថា ការបញ្ចេញរថយន្តក្រុងរបស់រដ្ឋនេះអាចជួយសន្សំថវិកាជូនពលរដ្ឋបានសរុបប្រមាណជាង១លានដុល្លារក្នុងរយៈពេល៦ថ្ងៃនេះ។