​ ខេមបូណូមីស

ថៃ ដែលជាប្រទេសមានសេដ្ឋកិច្ចធំបំផុតលំដាប់ទី២នៅអាស៊ាន កំពុងជួបបញ្ហាការហូរចូលទំនិញថោកៗពីប្រទេសចិន ដែលបញ្ហានេះ កំពុងគំរាមកំហែងដល់អាជីវកម្មក្នុងស្រុក និងបានបង្ខំឱ្យរោងចក្រសហគ្រាសរាប់ពាន់កន្លែងបិទទ្វារជាបន្តបន្ទាប់។ អ្វីដែលប្រជាពលរដ្ឋថៃ កំពុងទន្ទឹងរង់ចាំអ៊ុតមើល ថាតើរាជរដ្ឋាភិបាលថៃថ្មី ក្រោមការដឹកនាំរបស់លោកស្រី ផែថងថាន ស៊ីណាវ៉ាត្រា ដែលទើបស្បថចូលកាន់តំណែងកាលពីពេលថ្មីៗមានវិធានការបែបណា ដើម្បីទប់ស្កាត់ការហូរចូលទំនិញថោកៗពីចិន ដូចទឹកបាក់ទំនប់នេះ?