​ ខេមបូណូមីស

គ្រោះទឹកជំនន់ដ៏កាចសាហាវកំពុងវាយប្រហារប្រទេសថៃ យ៉ាងធ្ងន់ធ្ងរ រហូតដល់កងទ័ពថៃ ប្រកាសប្រើប្រាស់នាវាចំបាំង ឧទ្ធម្ភាចក្រ និងយានយន្តយោធាជាច្រើនប្រភេទ ដើម្បីចល័តកងទ័ពជួយសង្រ្គោះពលរដ្ឋ ដែលរងគ្រោះដោយសារទឹកជំនន់។ គ្រោះទឹកជំនន់ដ៏សាហាវនេះបានធ្វើឱ្យប៉ះពាល់ដល់ខេត្តចំនួន១០ នៅភាគខាងត្បូង និងខេត្តនៅភាគខាងជើងចំនួន១១ និងធ្វើឱ្យប៉ះពាល់ដល់ប្រជាពលរដ្ឋសរុបជិត២,៥លាននាក់។ នេះបើយោងតាមការចុះផ្សាយរបស់សារព័ត៌មានក្នុងស្រុកធំៗរបស់ថៃ នៅថ្ងៃទី២៥ ខែវិច្ឆិកា នេះ។