សោម ស្រីពេជ្រ

រដ្ឋាភិបាលកម្ពុជា និងចិន បានឯកភាពកំណត់យកឆ្នាំ២០២៥ ជាឆ្នាំទេសចរណ៍ កម្ពុជា-ចិន និងលើកទឹកចិត្តឱ្យប្រជាពលរដ្ឋឱ្យធ្វើដំណើរកម្សាន្តចេញចូលរវាងប្រទេសទាំងពីរ បន្ទាប់ពីបានកំណត់យកឆ្នាំ២០២៤ ជាឆ្នាំនៃការផ្លាស់ប្តូរប្រជាជន និងប្រជាជន និងវប្បធម៌។ ការកំណត់បែបនេះធ្វើឡើងក្នុងអំឡុងពេលលោក ស៊ី ជីនពីង ប្រធានាធបិតីចិន មកបំពេញទស្សនកិច្ចនៅកម្ពុជា ដែលទើបបញ្ចប់កាលពីពេលថ្មីៗ។ អ្នកជំនាញក្នុងវិស័យទេសចរណ៍រំពឹងថា តាមរយៈយន្តការនេះវានឹងជួយស្រូបទាញភ្ញៀវទេសចរចិន ឱ្យមកកម្សាន្តនៅកម្ពុជា ឱ្យមានកំណើនបន្ថែមទៀតនៅឆ្នាំ២០២៥ នេះ។