ព័ត៌មាន

កសិករដាំបន្លែស្ពៃក្តោបនៅខេត្តមណ្ឌលគិរី កំពុងត្រូវប៉ាន់ ក្រោយតម្លៃស្ពៃក្តោបនៅឆ្នាំនេះហាក់ហក់ឡើងខ្ពស់ចន្លោះពី៤ពាន់រៀល ទៅ៦ពាន់រៀល ក្នុង១គីឡូក្រាម ដែលជាតម្លៃមួយអាចផ្តល់ប្រាក់ចំណេញគួរសមដល់កសិករ។ នេះបើតាមការអះអាងរបស់ថ្នាក់ដឹកនាំសហគមន៍កសិកម្មសាមគ្គីមនោរម្យ ខេត្តមណ្ឌលគិរី។ ដោយឡែកបន្លែស្ពៃក្តោបនៅខេត្តបាត់ដំបង និងកំពង់ចាម ឯណោះវិញ ត្រូវបានកសិករអះអាងថា អាចលក់បានចន្លោះពី១,៣០០រៀល ទៅ១,៥០០រៀល ក្នុង១គីឡូក្រាមតែប៉ុណ្ណោះ។