តើសិស្សធ្លាក់បាក់ឌុបគួរបន្តរៀនថ្នាក់ទី១២ ឬបរិញ្ញាបត្ររង ឬជំនាញវិជ្ជាជីវៈ?
ក្រុមអ្នកជំនាញក្នុងវិស័យអប់រំបានលើកឡើងថា ការប្រឡងបាក់ឌុបមិនគួរត្រូវបានចាត់ទុកជាច្រកចុងក្រោយ នៃអនាគតសិស្សានុសិស្សឡើយ។ ចំពោះបេក្ខជនដែលមិ…
ស្ថានការណ៍នេះកំពុងបើកផ្លូវទៅរកការប្រឈមមុខផ្នែកសេដ្ឋកិច្ចជុំថ្មី ខណៈទីក្រុងវ៉ាស៊ីនតោន កំពុងជំរុញសម្ពន្ធមិត្តឱ្យរួមគ្នាប្រឈមតតាំងនឹងការអនុវត្តពាណិជ្ជកម្មមិនយុត្តិធម៌របស់ចិន។ នេះបើយោងតាមការចុះផ្សាយរបស់ទីភ្នាល់ងារព័ត៌មាន Reuters។
រដ្ឋមន្ត្រីហិរញ្ញវត្ថុមកពី១៩ប្រទេសក្នុងក្រុមប្រទេស G20 បានគាំទ្រការចាត់វិធានការលើគោលនយោបាយដែលមិនផ្អែកលើយន្តការទីផ្សារ និងត្រូវបានចោទថា កំពុងបង្កអតុល្យភាពពាណិជ្ជកម្មយ៉ាងធ្ងន់ធ្ងរ ខណៈចិន ជាសមាជិក G20 តែមួយគត់ដែលមិនគាំទ្រចំណាត់ការនេះ។ រដ្ឋមន្ត្រីហិរញ្ញវត្ថុអាម៉េរិក លោក ស្កុត បេសសេន (Scott Bessent) បានថ្លែងថា ការគាំទ្រពីប្រទេសទាំង១៩ បង្ហាញពីការព្រួយបារម្ភកាន់តែខ្លាំងចំពោះការពឹងផ្អែកលើការនាំចេញរបស់ចិន។
ចិន កំពុងពឹងផ្អែកកាន់តែខ្លាំងលើការនាំចេញ ខណៈតម្រូវការក្នុងស្រុកនៅតែខ្សោយ ដោយកាលពីខែកក្កដា ការនាំចេញរបស់ចិន បានកើនឡើងជិត២៤% បើធៀបនឹងរយៈពេលដូចគ្នាកាលពីឆ្នាំមុន ដោយរួមមាន រថយន្តអគ្គិសនី បន្ទះឈីប និងទំនិញឧស្សាហកម្មជាច្រើនទៀត។ សហរដ្ឋអាម៉េរិក បានឆ្លើយតបដោយដាក់ពន្ធគយ និងការរឹតបន្តឹងលើផលិតផលចិន មួយចំនួន ខណៈប្រទេសអឺរ៉ុបមួយចំនួនក៏កំពុងពិចារណាវិធានការតឹងរ៉ឹងជាងមុន។
ប៉ុន្តែសម្ពាធនេះ ក៏កំពុងបង្កការខ្វែងគំនិតរវាងទីក្រុងវ៉ាស៊ីនតោន និងសម្ពន្ធមិត្តមួយចំនួនផងដែរ។ អាល្លឺម៉ង់ បានព្រមានថា ជម្លោះពន្ធគយរបស់អាម៉េរិក និងសង្គ្រាមអ៊ីរ៉ង់ កំពុងបង្កើនភាពមិនប្រាកដប្រជា និងធ្វើឱ្យកំណើនសេដ្ឋកិច្ចពិភពលោករងសម្ពាធ។ ជាមួយគ្នានេះ ចិន ក៏កំពុងរងការរិះគន់ដែរជុំវិញការរឹតបន្តឹងការនាំចេញរ៉ែសំខាន់ៗ និងរ៉ែកម្រ ដែលមានសារសំខាន់សម្រាប់ឧស្សាហកម្មទំនើបនៅទូទាំងពិភពលោក។
សារពី G20 បានបង្ហាញថា គំរូសេដ្ឋកិច្ចដែលពឹងផ្អែកខ្លាំងលើការនាំចេញរបស់ចិន កំពុងរងសម្ពាធកាន់តែខ្លាំង ហើយស្របពេលដែលទីក្រុងប៉េកាំង មិនបានបង្ហាញសញ្ញានឹងថយក្រោយមួយជំហាន នោះសមរភូមិពាណិជ្ជកម្មពិភពលោកអាចកំពុងឈានទៅរកការប្រឈមមុខដាក់គ្នាកាន់តែធំគួរឱ្យបារម្ភ៕
ដោយ: តែម សុខុម
