តម្លៃស្បៀងអាហារនៅជប៉ុន ហក់ឡើងថ្លៃខ្ពស់បំផុតមិនធ្លាប់មាន ក្រោយប្រទេសនេះរងការគំរាមកំហែងពីរលកកម្តៅ
រលកកម្តៅដ៏អូសបន្លាយកំពុងវាយលុកប្រទេសជប៉ុន និងធ្វើឱ្យប៉ះពាល់ដល់ផលិកម្មដំណាំ និងបសុសត្វ។ កត្តានេះ បានជំរុញឱ្យតម្លៃបន្លែ សាច់ និងសូម្បីអង្ករ…
ឆ្លើយតបនឹងសំណួរថា តើការកើនឡើងចំនួនរថយន្តអគ្គិសនី (EVs) អាចនឹងធ្វើឱ្យឧស្សាហកម្មរថយន្តក្នុងស្រុករបស់ប្រទេសថៃ មានហានិភ័យដែរឬយ៉ាងណានោះ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា បាននិយាយថា វាពិតជាមានហានិភ័យ ហើយលោកបានជំរុញឱ្យផ្លាស់ប្តូរការពន្ធដើម្បីការពារក្រុមហ៊ុនផលិតក្នុងស្រុកពីការប្រកួតប្រជែងពីបរទេស។
ការអំពាវនាវរបស់លោក ថាក់ស៊ីន នេះបានធ្វើឡើងចំពេលមានការព្រួយបារម្ភថា កិច្ចព្រមព្រៀងពាណិជ្ជកម្មសេរី (FTAs) ជាពិសេសកិច្ចព្រមព្រៀងពាណិជ្ជកម្មសេរីអាស៊ាន-ចិន បាននាំឱ្យមានការនាំចូលរថយន្តអគ្គិសនីដូចទឹកបាក់ទំនប់ជាមួយនឹងពន្ធសូន្យធ្វើឱ្យប៉ះពាល់ដល់ក្រុមហ៊ុនផលិតក្នុងស្រុក។
ឆ្លើយតបនឹងកង្វល់ទាំងនេះ នាយកដ្ឋានពន្ធដារថៃ បានប្រកាសផែនការកែសម្រួលរចនាសម្ព័ន្ធពន្ធលើទំនិញរបស់ប្រទេសថៃ។ នៅក្រោមសំណើថ្មីនេះ រថយន្តដែលមានភាគរយខ្ពស់នៃសមាសធាតុផលិតក្នុងស្រុកនឹងត្រូវបង់ពន្ធក្នុងអត្រាទាបជាងរថយន្តដែលនាំចូលទាំងស្រុង។ វិធានការនេះមានបំណងលើកទឹកចិត្តក្រុមហ៊ុនផលិតរថយន្តឱ្យបង្កើនការប្រើប្រាស់គ្រឿងបន្លាស់ក្នុងស្រុក និងជួយការពារឧស្សាហកម្មរថយន្តថៃ។
ទោះជាយ៉ាងណាលោក សំផប ម៉ាណារុងសាន (SompopManarungsan) សេដ្ឋវិទូម្នាក់បានមើលឃើញថា វិធានការទាំងនេះ ក៏អាចជាការឆ្លើយតបទៅនឹងការគំរាមកំហែងពន្ធដែលកំពុងបន្តពីសហរដ្ឋអាម៉េរិក ដែលអាចប៉ះពាល់ដល់ទីផ្សារនាំចេញរបស់ប្រទេសថៃ ផងដែរ ប៉ុន្តែលោកបានបន្ថែមថា ការកាត់បន្ថយពន្ធលើរថយន្តអាម៉េរិកនឹងមិនប៉ះពាល់ខ្លាំងដល់ទីផ្សាររថយន្តរបស់ប្រទេសថៃឡើយ៕
ដោយ៖ សុខ មង្គល
