វៀតណាម មានមហិច្ឆតាអភិវឌ្ឍន៍វិស័យអប់រំឱ្យឈានដល់កម្រិតកំពូលទាំង២០នៅលើពិភពលោកក្នុងរយៈពេល២០ឆ្នាំខាងមុខ
វៀតណាម ដែលជាអ្នកក្បែរខាងកម្ពុជា បានបង្ហាញពីការធ្វើកំណែទម្រង់ប្រព័ន្ធអប់រំប្រកបដោយមហិច្ឆតា ដោយដាក់គោលដៅអភិវឌ្ឍន៍វិស័យអប់រំឱ្យឈានដល់កម្រិតក…
ប្រទេសនៅអាស៊ីអាគ្នេយ៍កំពុងរៀបចំគម្រោង ដើម្បីទទួលលំហូរពាណិជ្ជកម្មគ្រាប់ធញ្ញជាតិ និងប្រេងតាមរយៈកិច្ចព្រមព្រៀងពាណិជ្ជកម្មជាមួយសហរដ្ឋអាម៉េរិក ប៉ុន្តែបញ្ហានេះបានធ្វើឲ្យប្រទេសផ្សេងៗដូចជាអូស្រ្តាលី កាណាដា និងរុស្ស៊ី ជាដើម កំពុងក្តៅក្រហាយ។ ប្រទេសនៅអាស៊ីអាគ្នេយ៍ ដែលកំពុងរៀបចំខ្លួនទទួលផលិតផលកសិកម្មពីអាម៉េរិក រួមមាន ឥណ្ឌូនេស៊ី វៀតណាម ហ្វីលីពីន និងថៃ ជាដើម។
ពាក់ព័ន្ធនឹងបញ្ហានេះ លោក អូល ហ៊ូ (Ole Houe ) នាយកសេវាប្រឹក្សាក្រុមហ៊ុន IKON Commodities នៅទីក្រុងស៊ីដនី បាននិយាយថា ការនាំចេញផលិតផលកសិកម្មរបស់អាម៉េរិក តាមរយៈកិច្ចព្រមព្រៀងពាណិជ្ជកម្ម ដែលអាម៉េរិក បានចុះជាមួយបណ្តាប្រទេសមួយចំនួនកំពុងបង្កើតសម្ពាធដល់ប្រទេសផ្សេង។
ពាណិជ្ជករ និងអ្នកវិភាគផ្សេងទៀតបាននិយាយថា លំហូរចូលនៃកសិផលរបស់អាម៉េរិក អាចជំរុញឱ្យតម្លៃកសិផលនៅប្រទេស ដែលជាគូប្រជែងផ្សេងទៀតធ្លាក់ចុះ។ ក្រុមអ្នកវិភាគទាំងនោះបានលើកឡើងថា កាលពី៥ឆ្នាំមុនការទិញផលិតផលកសិផលពីអាម៉េរិករបស់ឥណ្ឌូនេស៊ី មានការធ្លាក់ចុះ៥០% ដោយសារការប្រកួតប្រជែងពីអ៊ុយក្រែន រុស្សី និងអាហ្សង់ទីន ប៉ុន្តែកាលពីខែកក្កដា កន្លងទៅនេះ កំណើននាំចូលពីអាម៉េរិក ហាក់កម្រើកឡើងវិញ។
កាលពីខែកក្កដា រោងម៉ាស៊ីនកិនម្សៅឥណ្ឌូនេស៊ី បានទិញស្រូវសាលីរបស់អាម៉េរិក ប្រហែល២៥ម៉ឺនតោន ហើយគ្រោងនឹងទិញដល់១លានតោន។ នៅក្នុងស្ថានភាពនេះ ពាណិជ្ជករគ្រាប់ធញ្ញជាតិ ដែលមានមូលដ្ឋាននៅប្រទេសអូស្ត្រាលី បាននិយាយថា អូស្ត្រាលីផ្គត់ផ្គង់ប្រហែល១/៤នៃតម្រូវការស្រូវសាលីរបស់ឥណ្ឌូនេស៊ី ដូច្នេះស្រូវសាលីអូស្រ្តាលី អាចបាត់បង់ទីផ្សារជាច្រើនរយពាន់តោននៅឥណ្ឌូនេស៊ី ។
ជាមួយគ្នានេះ បើតាមការអះអាងរបស់ក្រសួងកសិកម្មវៀតណាម ក្រុមហ៊ុនវៀតណាមនឹងចុះហត្ថលេខាលើអនុស្សរណៈនៃការយោគយល់គ្នា ដើម្បីទិញកសិផលពីអាម៉េរិកក្នុងតម្លៃ២ពាន់លានដុល្លារ រួមទាំងកិច្ចព្រមព្រៀងទិញផលិតផលដូចជាពោត ស្រូវសាលី គ្រាប់ធញ្ញជាតិស្ងួត និងសណ្តែកសៀងសរុបជាង៨00លានដុល្លារបន្ថែមទៀត៕
ដោយៈ សរ សុជាតិ
