ក្រុមអ្នកជំនាញព្រមានថា ទោះបីអាម៉េរិក និងអ៊ីរ៉ង់ ឈានដល់កិច្ចព្រមព្រៀង ក៏ការនាំចេញប្រេងកាត់ច្រកសមុទ្រហ័រម៉ូស មិនអាចឈានដល់កម្រិតមុនសង្គ្រាមអ៊ីរ៉ង់វិញដែរ
ដោយ
ក្រុមអ្នកជំនាញផ្នែកថាមពល និងដឹកជញ្ជូនតាមផ្លូវសមុទ្រ បានព្រមានថា បរិមាណនាំចេញប្រេងឆ្លងកាត់ច្រកសមុទ្រហ័រម៉ូសនឹងមិនអាចវិលត្រលប់ទៅរកកម្រិតដូចមុនសង្គ្រាមអ៊ីរ៉ង់វិញបានឡើយ ទោះបីសហរដ្ឋអាម៉េរិក និងអ៊ីរ៉ង់ ឈានដល់កិច្ចព្រមព្រៀងក៏ដោយ។ ការវាយតម្លៃបែបនេះធ្វើឡើងដោយលើបទពិសោធដែលបានកើតឡើងនៅសមុទ្រក្រហម ដោយចរាចរណ៍កប៉ាល់បានធ្លាក់ចុះយ៉ាងខ្លាំងកាលពីឆ្នាំ២០២៤ ក្រោយមានការវាយប្រហារពីក្រុមសកម្មប្រយុទ្ធហ៊ូធី។