#តម្លៃប្រេងធ្លាក់ចុះភ្លាមៗ

គ្រាន់តែកិច្ចព្រមព្រៀងសន្តិភាពរវាងសហរដ្ឋអាម៉េរិក និងអ៊ីរ៉ង់លេចចេញពន្លឺភ្លាម សកម្មភាពសេដ្ឋកិច្ចពិភពលោកសឹងតែគ្រប់វិស័យ ក៏បានកម្រើកឡើងប្រកបដោយភាពវិជ្ជមានភ្លាមៗផងដែរ។ ទីភ្នាក់ងារព័ត៌មាន CNA បានរាយការណ៍ថា តម្លៃប្រេងឆៅនៅលើទីផ្សារអន្តរជាតិបានដាំក្បាលចុះប្រមាណជា៤% ទៅ៥,៥% ខណៈដែលតម្លៃមាសសកលបានហក់ឡើង២,៥% ស្របពេលដែលទីផ្សារភាគហ៊ុនធំៗក៏បានងើបឡើងវិញ។ បញ្ហានេះបានរុញច្រានឱ្យធនាគារកណ្តាល នៃប្រទេសមហាអំណាចសេដ្ឋកិច្ច ត្រៀមដកការរឹតបន្តឹងលើគោលនយោបាយហិរញ្ញវត្ថុ ជាពិសេស គឺការពិចារណាលើអត្រាការប្រាក់ឡើងវិញ។