#មេរោគ Hantavirus

អាជ្ញាធរសុខាភិបាលនៅក្នុងប្រទេសជាច្រើនកំពុងស្ថិតក្នុងស្ថានភាពប្រុងប្រយ័ត្នខ្ពស់ ដើម្បីតាមដាន និងទប់ស្កាត់ការរីករាលដាលនៃមេរោគ Hantavirus បន្ទាប់ពីមានការផ្ទុះឡើងនូវករណីឆ្លងនៅលើនាវាទេសចរណ៍មួយ។ អង្គការសុខភាពពិភពលោក (WHO) បានប្រកាសកាលពីថ្ងៃទី៧ ខែឧសភា ថា បានរកឃើញអ្នកឆ្លងថ្មីចំនួន៥នាក់បន្ថែមទៀតនៅលើនាវា MV Hondius។ ទោះជាយ៉ាងណា WHO បានផ្តល់ភាពកក់ក្តៅដល់សាធារណជនថា មេរោគប្រភេទនេះមិនមានសក្តានុពលរីករាលដាលសាហាវដូចវីរុសកូវីដ-១៩ នោះទេ។