#អាជ្ញាធរ និងក្រុមអ្នកជំនាញទេសចរណ៍

អាជ្ញាធរ និងក្រុមអ្នកជំនាញទេសចរណ៍បានទទូចឱ្យភ្ញៀវទេសចរមានការប្រុងប្រយ័ត្នឱ្យបានខ្ពស់បំផុត ចំពោះការធ្វើដំណើរកម្សាន្ដទៅកាន់តំបន់ព្រៃភ្នំ នៅអំឡុងពេលដែល អាកាសធាតុមិនអំណោយផល ឬមានភ្លៀងធ្លាក់ខ្លាំង។ ការអំពាវនាវនេះ បានធ្វើឡើង នៅក្រោយពេលដែលមានមនុស្សយ៉ាងហោចណាស់ជាង ៥០០នាក់ បានជាប់គាំងនៅតំបន់ទេសចរណ៍ធម្មជាតិខ្នងផ្សារដោយសារភ្លៀងធ្លាក់ខ្លាំង អស់រយៈពេល ២ថ្ងៃ ពោលគឺចាប់ពីថ្ងៃទី ១១-១២ ខែកក្កដា មុននឹងពួកគេទាំងនោះ ត្រូវបានសង្គ្រោះមកទីទួលសវុត្ថិភាពវិញ នៅព្រឹកថ្ងៃទី ១៣ ខែកក្កដា។