#កោះតៃវ៉ាន់

មន្ទីរបញ្ចកោណ បាននិយាយកាលពីថ្ងៃអង្គារ ទី៥ ខែមេសា ថា ក្រសួងការបរទេសសហរដ្ឋអាមេរិកបានអនុម័តការលក់ឧបករណ៍ផ្នែកយោធាទៅឱ្យកោះតៃវ៉ាន់ រួមជាមួយការផ្ដល់ការហ្វឹកហាត់ និងរបស់របរផ្សេងទៀត ដើម្បីគាំទ្រប្រព័ន្ធការពារដែនអាកាសតៃវ៉ាន់ ដោយកិច្ចព្រមព្រៀងមានតម្លៃជាទឹកប្រាក់រហូតដល់ ៩៥ លានដុល្លារអាមេរិក។ កញ្ចប់ថវិកានេះ នឹងរួមបញ្ចូលការហ្វឹកហ្វឺន ការធ្វើផែនការ ការដាក់ពង្រាយប្រតិបត្តិការ ការថែទាំ និងនិរន្តរភាព នៃប្រព័ន្ធការពារដែនអាកាស Patriot និងឧបករណ៍ដែលពាក់ព័ន្ធសម្រាប់តៃវ៉ាន់ផងដែរ។ នេះបើតាមការរាយការណ៍ដោយសារព័ត៌មាន CNA។