#វិស័យអាកាសចរណ៍

ដោយសារតែវិបត្តិកូវីដ-១៩ បានធ្វើឱ្យវិស័យអាកាសចរណ៍កម្ពុជា មានការដាំក្បាលចុះយ៉ាងខ្លាំង ហើយរហូតមកដល់ពេលនេះ ស្ថានភាពក្នុងវិស័យនេះ ហាក់មិនទាន់មានការកម្រើកឡើងវិញនៅឡើយ។ មន្ត្រីជាន់ខ្ពស់អាកាសចរណ៍ស៊ីវិល បានអះអាងប្រាប់សារព័ត៌មានខេមបូណូមីសថា ការងើបឡើងនៃវិស័យនេះ គឺទាមទារពេលវេលាបន្ថែម និងមានការកែសម្រួលវិធានការធ្វើចត្តាឡីស័ករបស់អ្នកដំណើរដែលចូលមកកម្ពុជា។ ខណៈ ថ្មីៗនេះ កម្ពុជាទើបតែបានកែសម្រួលការធ្វើចត្តាឡីស័កដល់អ្នកវិនិយោគ និងអ្នកដំណើរ ដែលចូលមកកម្ពុជា ស្របតាមគន្លងប្រក្រតីភាពថ្មីរបស់រាជរដ្ឋាភិបាលដែលបានដាក់ចេញ។