#វិស័យអាកាសចរណ៍

ការដឹកជញ្ជូនតាមផ្លូវអាកាសនៅកម្ពុជា បានចាប់ផ្ដើមកម្រើកឡើងវិញ ខណៈនៅត្រឹមរយៈពេល១០ខែក្នុងឆ្នាំ២០២៣ មានអ្នកដំណើររហូតជាង៤លាននាក់ បានធ្វើដំណើរតាមផ្លូវអាកាស។ មន្រ្តីជាន់ខ្ពស់នៃរដ្ឋលេខាធិការដ្ឋានអាកាសចរណ៍ស៊ីវិល បានគូសបញ្ជាក់ថា តួលេខនៃចំនួនអ្នកធ្វើដំណើរតាមផ្លូវអាកាសមានការកើនឡើងជាង១៤០% បើធៀបទៅនឹងរយៈពេលដូចគ្នាកាលពីឆ្នាំ២០២២ ដែលអាចសន្មតបានថា វិស័យឧស្សាហកម្មតាមផ្លូវអាកាសនៅកម្ពុជាត្រូវបានស្ដារឡើងវិញជាង៥៥% បើធៀបនឹងឆ្នាំ២០១៩ ពេលមិនទាន់មានការឆ្លងរាតត្បាតនៃជំងឺកូវីដ-១៩។