​ ខេមបូណូមីស

ស្របពេលបញ្ហានយោបាយនៅក្នុងប្រទេសថៃ កំពុងស្ថិតក្នុងភាពចលាចល ហើយក្រុមបាតុកររាប់ពាន់នាក់បាននាំគ្នាធ្វើបាតុកម្មទាមទារឱ្យលោកស្រី ផៃថងថាន ស៊ីណាវ៉ាត្រា ចុះចេញពីតំណែង ការស្ទង់មតិមួយបានបង្ហាញថា ពលរដ្ឋថៃ ភាគច្រើនចង់ឱ្យមេដឹកនាំគណបក្សប្រឆាំងឡើងកាន់តំណែងនាយករដ្ឋមន្ត្រីជំនួសលោកស្រី ផៃថងថាន។ ទន្ទឹមនឹងនេះមានការលើកឡើងថា លោកស្រី ផៃថងថាន អាចនឹងដើរតាមគន្លងរបស់លោក ប្រាយុទ្ធ ចាន់អូចា អតីតនាយករដ្ឋមន្ត្រីថៃ ដោយអាចទៅកាន់តំណែងជារដ្ឋមន្ត្រីក្រសួងវប្បធម៌ ប្រសិនបើតុលាការធម្មនុញ្ញថៃ ព្យួរតំណែងនាយករដ្ឋមន្ត្រីរបស់លោកស្រី។