ធនាគារ និង ហិរញ្ញវត្ថុ

ប្រទេសជាច្រើននៅទូទាំងពិភពលោក បានត្រៀមកញ្ចប់ថវិការបស់ខ្លួនជាបន្ដបន្ទាប់ ដើម្បីទ្រទ្រង់សេដ្ឋកិច្ច ក៏ដូចជាជួយដល់ពលរដ្ឋរបស់ខ្លួននៅអំឡុងពេលវិបត្តិកូវីដ-១៩នេះ។ យ៉ាងណាមិញ សម្រាប់សេដ្ឋកិច្ចប្រទេសឥណ្ឌានៅឆ្នាំនេះ កំពុងជួបផលប៉ះពាល់គួរសមដែរ ពីបញ្ហាមេរោគរីករាលដាលនេះ។ ដើម្បីស្ដារសេដ្ឋកិច្ចរបស់ខ្លួន នាយករដ្ឋមន្ត្រីឥណ្ឌា លោក ណារិនដ្រា ម៉ូឌី បានប្រកាសនាពេលថ្មីៗនេះថា រដ្ឋាភិបាលលោកបានតៀមនូវកញ្ចប់ថវិកាសរុបប្រមាណ ២៦៥ ពាន់លានដុល្លារអាមេរិក ក្នុងការពង្រឹងសេដ្ឋកិច្ចឲ្យកាន់តែរឹងមាំ។