កាលពីថ្ងៃពុធ ទី៧ ខែកក្កដា ប្រព័ន្ធផ្សព្វផ្សាយរដ្ឋរបស់វៀតណាមបានឲ្យដឹងថា ថាមនុស្ស ៩ លាននាក់នៅទីក្រុងហូជីមិញនឹងតម្រូវឱ្យស្នាក់នៅក្នុងផ្ទះរយៈពេលពីរសប្ដាហ៍ ខណៈដែលទីក្រុងហាណូយ ក៏បានដាក់ចេញនូវវិធានការបិទខ្ទប់ដូចគ្នាដើម្បីទប់ស្កាត់នូវរលកឆ្លងនៃជម្ងឺកូវីដ-១៩។ ការដាក់ចេញវិធានការនេះ បន្ទាប់ពីរដ្ឋាភិបាលរកឃើញមានករណីឆ្លងជាង៨០០០ករណីនៅទីក្រុងហូជីមិញកំឡុងពេលការរីករាលដាននៃរលកចុងក្រោយនេះ។
គួរជម្រាបដែរថា ទីក្រុងហាណូយបានផ្អាកសេវាកម្មដឹកជញ្ជូនសាធារណៈចេញចូលទៅមក ខេត្តចំនួន ១៤ ហើយក្នុងនោះ រដ្ឋាភិបាលបាននិយាយថា ចំនួនប្រជាជនដែលធ្វើដំណើរទៅកាន់ទីក្រុងនេះមានចំនួនច្រើនណាស់ ដែលមានហានិភ័យខ្ពស់នៃការរីករាលដាល។ អាជ្ញាធរបានប្រាប់ឲ្យពលរដ្ឋស្នាក់នៅផ្ទះ បើមិនចាំបាច់កុំចេញពីផ្ទះឲ្យសោះក្នុងអំឡុងពេលនេះ។ ទន្ទឹមនឹងទីក្រុងចំនួន ១០ត្រូវបានផ្អាកការហោះហើរចូលទៅកាន់ជាមួយទីក្រុងហូជីមិញ និងមានផ្សារលក់ទំនិញធំៗចំនួន៣ត្រូវបិទទ្វារ។ ទោះបីជាយ៉ាងណា ក្នុងវិធានការបិទខ្ទប់នេះប្រជាជននឹងត្រូវបានអនុញ្ញាតឱ្យធ្វើដំណើរក្នុងការទិញស្បៀងអាហារ និងថ្នាំពេទ្យ។
អត្ថបទទាក់ទង
គួរបន្តទៀតថាកាលពីថ្ងៃពុធ លោកង្វៀន ថាញ់ផុង អភិបាលក្រុងហូជីមិញបាននិយាយថា ក្នុងទីក្រុងកំពុងប្រឈមនឹងបញ្ហាក្នុងការគ្រប់គ្រងជម្ងឺកូវីដ ដូច្នេះវិធានការបិតខ្ទប់នេះ ត្រូវតែអនុវត្តយ៉ាងតឹងរឹងបំផុត។ បើយោងតាមការចេញផ្សាយរបស់សារព័ត៌មាន VNExpress ។ ក្រសួងបញ្ជាក់ទៀតថា នឹងបញ្ជូនបុគ្គលិកសុខាភិបាលចំនួន ១ ម៉ឺននាក់ទៅកាន់ទីក្រុងហូជីមិញ ដើម្បីចូលរួមក្នុងការប្រយុទ្ធប្រឆាំងជម្ងឺកូវីដ។
ប្រទេសវៀតណាមធ្លាប់ជាប្រទេសគំរូមួយការទប់ស្កាត់ការឆ្លងរីករាលដាលនៃជម្ងឺកូវីដ-១៩ ប៉ុន្តែដោយសារប្រទេសនេះ មានភាពយឺតយ៉ាវក្នុងការចាក់វ៉ាក់សាំងជូនប្រជាជន បានធ្វើឱ្យការឆ្លងមានការហក់ឡើញខ្ពស់ ហើយក៏កំពុងបង្កឲ្យមានក្ដីបារម្ភកាន់តែខ្លាំងផងដែរ។ បើយោងតាមក្រសួងសុខាភិបាលប្រទេសវៀតណាមមានប្រជាជនប្រមាណជិត ១០០ លាននាក់ ក្នុងនោះប្រជាជនទើបតែទទួលបានវ៉ាក់សាំងកូវីដ-១៩ ចំនួន ៤ លានដូសប៉ុណ្ណោះ។
កូវីដ-១៩ឆ្លងសរុបនៅក្នុងប្រទេសថៃគិតមកទល់ពេលនេះមានជាង២ម៉ឺននាក់ហើយ និងអ្នកស្លាប់មានជាង១០០នាក់។
អត្ថបទ៖ ស៊ើង និមល់
None
