#ភូមិសាស្រ្តនយោបាយ

ប្រទេសបារាំង បានក្លាយជាប្រទេសដំបូងគេនៅសហភាពអឺរ៉ុប ដែលបានសម្រេចលើកដំឡើងកម្រិតទំនាក់ទំនងទ្វេភាគីមួយកម្រិតទៀតជាមួយនឹងប្រទេសវៀតណាម។ នៅក្នុងអំឡុងពេលស្នាក់នៅទីក្រុងប៉ារីស លោក តូ ឡឹម មេដឹកនាំកំពូលវៀតណាម និងលោក អេម៉ានូអែល ម៉ាក្រុង ប្រធានាធិបតីបារាំងបានប្រកាសបង្កើនកម្រិតទំនាក់ទំនងរវាងប្រទេសទាំងពីរដល់កម្រិតដៃគូយុទ្ធសាស្ត្រគ្រប់ជ្រុងជ្រោយ។ ភាគីទាំងពីរបានឯកភាពគ្នាក្នុងការបង្កើនការផ្លាស់ប្តូរទស្សនកិច្ចរបស់គណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់តាមបណ្តាញបក្ស រដ្ឋ រដ្ឋាភិបាល និងរដ្ឋសភា។