#ទីផ្សារភាគហ៊ុន

ថ្នាក់ដឹកនាំផ្សារមូលបត្រកម្ពុជា បានអះអាងថា ការចុះបញ្ជីបោះផ្សាយលក់មូលបត្រកម្មសិទ្ធិ និងមូលបត្របំណុលរបស់ក្រុមហ៊ុននានានៅផ្សារមូលបត្រកម្ពុជា មានការរីកចម្រើនជាបន្តបន្ទាប់នៅប៉ុន្មានឆ្នាំចុងក្រោយនេះ។ ជាក់ស្ដែងមកទល់ពេលនេះ មានក្រុមហ៊ុនចំនួន២៣ បានចុះបញ្ជីនៅផ្សារមូលបត្រកម្ពុជា ដោយក្រុមហ៊ុនទាំងនេះអាចកៀរគរទុនពីទីផ្សារបានប្រមាណជិត៤០០លានដុល្លារ។ តែយ៉ាងណាសកម្មភាពចុះបញ្ជី និងការចូលរួមរបស់បណ្ដាក្រុមហ៊ុននានានៅផ្សារមូលបត្រកម្ពុជា ហាក់នៅមានកម្រិតនៅឡើយ បើធៀបនឹងទីផ្សារនៅក្នុងតំបន់។