#បំណុលសាធារណៈ

ស្ថានភាពបំណុលនៅក្នុងប្រទេសថៃ កំពុងឈានទៅរកការធ្លាក់ក្នុងវិបត្តិ ក្រោយបំណុលសាធារណៈឡើងដល់៦៣,៨% បំណុលគ្រួសារកើនដល់៨៨,៤% និងបំណុលផ្នែកអាជីវកម្មឈានដល់៨៣,៥% នៃទំហំផលិតផលក្នុងស្រុកសរុប (GDP) របស់ប្រទេសក្បែរខាងកម្ពុជា មួយនេះ។ អ្វីដែលរិតតែធ្ងន់ធ្ងរជាងនេះទៀតនោះ គឺជាង៦០%នៃបំណុលដែលមានបញ្ហា កំពុងកើតឡើងចំពោះសហគ្រាសធុនតូច និងមធ្យម ដែលជាជន្ទល់សេដ្ឋកិច្ចដ៏សំខាន់របស់ប្រទេសនេះ។ នេះបើយោងតាមការចុះផ្សាយរបស់កាសែត The Nation។