#អេស៊ីលីដា

ដូចការគ្រោងទុក នៅព្រឹកថ្ងៃទី ២៥ ខែឧសភានេះ ធនាគារអេស៊ីលីដា បានសម្រេចចូលទៅគោះជួងនៅក្នុងផ្សារមូលបត្រកម្ពុជា ដើម្បីបោះផ្សាយលក់មូលបត្ររបស់ខ្លួនជាផ្លូវការហើយ។ ក្នុងឱកាសនោះ អគ្គនាយកនៃក្រុមហ៊ុនផ្សារមូលបត្រកម្ពុជាបានថ្លែងថា ការបោះផ្សាយលក់មូលបត្រជាសាធារណៈរបស់ធនាគារអេស៊ីលីដានាពេលនេះ នឹងធ្វើជាគំរូដ៏ល្អដល់ គ្រឹះស្ថានធនាគារ និង មីក្រូហិរញ្ញវត្ថុជាច្រើនទៀតពិចារណាធ្វើការចុះបញ្ជីលក់មូលបត្រកម្មសិទ្ធិនៅ ផ្សារមូលបត្រកម្ពុជា (ផ.ម.ក) នាពេលអនាគត។