#សាច់បង្កក

បញ្ហានាំចូលសាច់បង្កកពីខាងក្រៅនៅតែជាក្ដីព្រួយបារម្ភសម្រាប់ក្រុមអ្នកចិញ្ចឹមសត្វក្នុងស្រុក នាពេលបច្ចុប្បន្ន ជាពិសេសធ្វើឲ្យរង្គោះរង្គើទីផ្សារជ្រូករស់យ៉ាងខ្លាំង នៅមួយរយៈពេលចុងក្រោយនេះ។ ពាក់ព័ន្ធបញ្ហានេះ អគ្គនាយក នៃអគ្គនាយកដ្ឋានគយ និងរដ្ឋាករកម្ពុជាបានគូសបញ្ជាក់ថា ស្ថិតក្នុងគោលការណ៍ទីផ្សារសេរី កម្ពុជាមិនមានការហាមឃាត់ការនាំចូលសាច់បង្កកពីខាងក្រៅទាំងស្រុងនោះទេ ប៉ុន្តែរាល់ការនាំចូលសាច់បង្កកពីទីផ្សារខាងក្រៅត្រូវគោរពតាមវិធានការច្បាប់ និងវិញ្ញាបនបត្រពីប្រទេសនាំចេញ។