#តម្លៃប្រេងឥន្ធនៈ

នៅអំឡុងថ្ងៃឈប់សម្រាកបុណ្យភ្ជុំបិណ្ឌនេះ គេសង្កេតឃើញថា តម្លៃប្រេងឥន្ធនៈលក់រាយលើទីផ្សារកម្ពុជា បានហក់ឡើងថ្លៃជាបន្តទៀត។ ជាក់ស្តែង បើតាមការជូនដំណឹងរបស់ក្រសួងពាណិជ្ជកម្ម នៅថ្ងៃទី១ ខែតុលា នេះ តម្លៃប្រេងសាំងធម្មតាបានបន្តឡើងថ្លៃ ១០០រៀលបន្ថែមទៀតក្នុង១លីត្រ ខណៈប្រេងម៉ាស៊ូតឡើង១៥០រៀលក្នុង១លីត្រ។ ដែលធ្វើឲ្យតម្លៃប្រេងសាំងធម្មតាត្រូវលក់លើទីផ្សារមានតម្លៃដល់ ៤.១០០រៀលក្នុងមួយលីត្រ និងប្រេងម៉ាស៊ូតវិញកើនដល់៣.៨០០រៀលហើយក្នុងមួយលីត្រ។