#វិស័យសេដ្ឋកិច្ច

ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ ហៅកាត់ថា AMRO បានបន្ទាបការព្យាករកំណើនសេដ្ឋកិច្ចកម្ពុជា ពី៦% នៅឆ្នាំ២០២៤ មកនៅត្រឹម៤,៩% នៅឆ្នាំ២០២៥ និង៤,៧% នៅឆ្នាំ២០២៦ ដោយសារការដំឡើងពន្ធនាំចូលពីសហរដ្ឋអាម៉េរិក។ ជាមួយគ្នានេះ អ្នកជំនាញ លើកឡើងថា ស្ថិតក្នុងកាលៈទេសៈបច្ចុប្បន្នមិនមានប្រទេសណាមួយអាចរក្សាភាពវិជ្ជមាននៃសេដ្ឋកិច្ចរបស់ខ្លួនបាននោះទេ ដ្បិតថា វិធានការពន្ធរបស់អាម៉េរិក កំពុងធ្វើឱ្យប៉ះពាល់ដល់ទម្រង់នៃការធ្វើពាណិជ្ជកម្ម និងគំរាមកំហែងដល់សេដ្ឋកិច្ចពិភពលោក។