#វិស័យដឹកជញ្ជូន

នៅទីបំផុតសេចក្ដីព្រាងច្បាប់ស្តីពី«ការដឹកជញ្ជូនតាមផ្លូវទឹក»ទទួលបានការអនុម័តពីកិច្ចប្រជុំពេញគណៈរដ្ឋមន្ត្រី ដែលដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី២ ខែកុម្ភៈ ឆ្នាំ២០២៤ ក្រោយសេចក្ដីព្រាងច្បាប់នេះត្រូវចំណាយពេលរៀបចំតាក់តែងជាង១០ឆ្នាំ។ ក្រៅពីសេចក្ដីព្រាងច្បាប់បម្រើឱ្យវិស័យដឹកជញ្ជូន និងការធ្វើពាណិជ្ជកម្មនេះ កិច្ចប្រជុំពេញអង្គគណៈរដ្ឋមន្ត្រី ក៏បានអនុម័តលើរបៀបវារៈចំនួន៤ ផ្សេងទៀតផងដែរ។