​ ខេមបូណូមីស

នាយកប្រតិបត្តិក្រុមហ៊ុន Tesla និង SpaceX លោក អេឡិន ម៉ាស (Elon Musk) ដែលជាកំពូលមហាសេដ្ឋីរបស់អាម៉េរិក បានបង្ហាញការគាំទ្រជាចំហរដល់ទស្សនៈរបស់ប្រធានាធិបតីជាប់ឆ្នោតថ្មី ដូណាល់ ត្រាំ ដែលចង់មានសិទ្ធិធ្វើអន្តរាគមន៍លើគោលនយោបាយហិរញ្ញវត្ថុរបស់ធនាគារកណ្តាល។ ការអត្ថាធិប្បាយរបស់លោក ម៉ាស ធ្វើឡើងបន្ទាប់ពីលោក ជើរ៉ូម ផៅវែល (Jerome Powell) ប្រធានធនាគារកណ្តាលអាម៉េរិក បាននិយាយថា លោកនឹងមិនលាលែងពីតំណែងឡើយ បើទោះបីលោក ត្រាំ ស្នើឱ្យលោកធ្វើដូច្នេះក៏ដោយ។ នេះបើយោងតាមការចុះផ្សាយរបស់ CNBC។