កសិកម្ម

ថ្នាក់ដឹកនាំសហព័ន្ធស្រូវអង្ករកម្ពុជា បានអះអាងថា ដើម្បីប្រមូលទិញស្រូវពីប្រជាកសិករដែលប្រមូផលនៅឆ្នាំនេះ រាជរដ្ឋាភិបាលបានបញ្ចេញទុនកម្ចីជាបន្ដបន្ទាប់សម្រាប់រោងម៉ាស៊ីនក្នុងការប្រមូលទិញស្រូវ ដោយគិតមកទល់ពេលនេះ ថវិកាប្រមាណជាង ១០០លានដុល្លារអាមេរិកហើយ ដែលត្រូវបានបញ្ចេញសម្រាប់ការប្រមូលទិញស្រូវពីប្រជាកសិករ ខណៈរដូវប្រមូលផលស្រូវវស្សាឆ្នាំនេះ ពោលចាប់ពីពាក់កណ្ដាល ខែវិច្ឆិកាមក តម្លៃស្រូវបានជួបបញ្ហាធ្លាក់ថ្លៃយ៉ាងខ្លាំងនៅតាមបណ្ដាខេត្តមួយចំនួន ជាពិសេសខេត្តបាត់ដំបង ខេត្តបន្ទាយមានជ័យ ដោយសារតែមានការសម្រុកប្រមូលផលច្រើន។