ធនាគារ និង ហិរញ្ញវត្ថុ

រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ ថ្មីៗនេះ បានដាក់ចេញឲ្យដំណើរការនូវគម្រោងសហហិរញ្ញប្បទានទ្រទ្រង់សហគ្រាសខ្នាតតូច និងមធ្យម (SME) ដែលមានទំហំទឹកប្រាក់១០០ លានដុល្លារអាមេរិក ក្នុងគោលបំណងផ្ដល់ឥណទានមានការប្រាក់ទាប ដើម្បីជំរុញការអភិវឌ្ឍសហគ្រាសធុនតូច និងមធ្យម ក្នុងវិស័យអាទិភាពដូចជា ផ្នែកកម្មន្ដសាល និងសិប្បកម្ម សម្រាប់ជំនួសឲ្យការនាំចូលបម្រើសេចក្ដីត្រូវការក្នុងស្រុក ឬបម្រើជាធាតុចូលនៅក្នុងការផលិតរបស់ក្រុមហ៊ុនធំៗជាដើម។