តើ​អ្នក​ដឹងទេ?

កម្ពុជានឹងរៀបចំធ្វើជាម្ចាស់ផ្ទះនៃកិច្ចប្រជុំថ្នាក់រដ្ឋមន្ត្រីការបរទេសអាស៊ាន នៅក្នុងសប្ដាហ៍នេះ ហើយក្នុងឱកាសនោះ ក៏មានកិច្ចប្រជុំផ្សេងៗទៀតរវាងអាស៊ាន និងប្រទេសធំៗជាច្រើនទៀតផងដែរ។ តួយ៉ាង កិច្ចប្រជុំរដ្ឋមន្ត្រីអាស៊ាន-អាមេរិក ដែលក្នុងនោះ រដ្ឋមន្ត្រីការបរទេសអាមេរិក លោក អាន់តូនី ប្លីងខេន ក៏នឹងធ្វើដំណើរមកកាន់ប្រទេសកម្ពុជា ដើម្បីចូលរួមកិច្ចប្រជុំនៅសប្ដាហ៍នេះផងដែរ។ នេះបើតាមការបញ្ជាក់ឲ្យដឹងពីក្រសួងការបរទេសអាមេរិក។