ព័ត៌មាន

ក្នុងស្មារតីជាតិនិយម និងដើម្បីឆ្លើយតបទៅនឹងការរំលោភបំពានយ៉ាងកម្រោងរបស់កងទ័ពថៃមកលើដែនអធិបតេយ្យភាពកម្ពុជា បានជំរុញឱ្យប្រជាពលរដ្ឋធ្វើពហិការឈប់ប្រើប្រាស់ផលិតផលថៃយ៉ាងគំហុក។ យ៉ាងណាមិញថ្មីនេះ ប្រជាពលរដ្ឋកម្ពុជា ក៏បានបង្ហាញជំហរឈប់គាំទ្រផលិតផលកូកា-កូឡាផងដែរ ដោយសារក្រុមហ៊ុនកូកា-កូឡាកម្ពុជាបានផ្តាច់កុងត្រាជាមួយលោក វណ្ណដា តារាចម្រៀងរ៉េបដ៏ល្បីល្បាញម្នាក់នៅកម្ពុជាជាអ្នកតំណាងផលិតផលខ្លួន ដែលពួកគេវាយតម្លៃថា ការផ្តាច់កុងត្រានេះកើតឡើងក្រោយតារាចម្រៀងរូបនេះបានបង្ហោះវីដេអូពីការស្នេហាជាតិ។