ហ្វីលីពីនត្រៀមធ្វើជាម្ចាស់ផ្ទះកិច្ចប្រជុំកម្រិតខ្ពស់អាស៊ានធំៗចំនួន៧ពាក់ព័ន្ធគ្រោះមហន្តរាយ ឧក្រិដ្ឋកម្មឆ្លងដែន និងថាមពល

ខណៈដែលការិយាល័យទីប្រឹក្សាប្រធានាធិបតីហ្វីលីពីន ទទួលបន្ទុកសន្តិភាព នឹងដឹកនាំសន្និសីទកម្រិតខ្ពស់អាស៊ានស្តីពីការអប់រំសន្តិភាពនៅថ្ងៃទី២២ និង២៣ ខែកញ្ញា ឆ្នាំ២០២៦។

ទន្ទឹមនឹងនេះគណៈកម្មាធិការហ្វីលីពីនដើម្បីស្ត្រីក្រោមអាណត្តិជាប្រធានគណៈកម្មាធិការអាស៊ានទទួលបន្ទុកកិច្ចការស្ត្រី នឹងដឹកនាំធ្វើជាម្ចាស់ផ្ទះនៃព្រឹត្តិការណ៍ថ្នាក់តំបន់សំខាន់ៗចំនួន៣ចាប់ពីខែកញ្ញា ដល់ខែតុលា នៅទីក្រុង Metro Manila ដោយផ្តោតសំខាន់លើភាពជាអ្នកដឹកនាំរបស់ស្ត្រី សន្តិភាព សន្តិសុខ និងសេដ្ឋកិច្ចថែទាំ។ ដោយឡែក ក្រសួងទេសចរណ៍ហ្វីលីពីន នឹងធ្វើជាម្ចាស់ផ្ទះរៀបចំកិច្ចប្រជុំរដ្ឋមន្ត្រីទេសចរណ៍អាស៊ាននៅថ្ងៃទី២៩ ខែកញ្ញា នាទីក្រុងម៉ានីល។

ឈានចូលដល់ខែតុលា ក្រសួងថាមពលហ្វីលីពីន នឹងដឹកនាំកិច្ចប្រជុំថាមពលអាស៊ានចាប់ពីថ្ងៃទី៥ ដល់ថ្ងៃទី៩ ខែតុលា។ បន្ទាប់មកក្រសួងមហាផ្ទៃ និងរដ្ឋាភិបាលមូលដ្ឋាននឹងដឹកនាំកិច្ចប្រជុំរដ្ឋមន្ត្រីអាស៊ានស្តីពីឧក្រិដ្ឋកម្មឆ្លងដែនលើកទី២០ ចាប់ពីថ្ងៃទី១៩ ដល់ថ្ងៃទី២១ ខែតុលា នាទីក្រុងម៉ានីល ហើយក្រសួងការពារជាតិហ្វីលីពីន នឹងធ្វើជាម្ចាស់ផ្ទះរៀបចំកិច្ចប្រជុំរដ្ឋមន្ត្រីការពារជាតិអាស៊ានលើកទី២០ និងកិច្ចប្រជុំពាក់ព័ន្ធនៅថ្ងៃទី២៨ និងថ្ងៃទី២៩ ខែតុលា នាទីក្រុង Cebu៕

អត្ថបទៈ សួន ឡង់ទី. រូបភាពឯកសារបរទេស