#ទីផ្សារប្រេង

ពន្លឺសន្តិភាពរវាងសហរដ្ឋអាមេរិក និងអ៊ីរ៉ង់ បានជះឥទ្ធិពលភ្លាមៗមកលើទីផ្សារថាមពលពិភពលោក ដោយទាញទម្លាក់តម្លៃប្រេងឆៅឱ្យធ្លាក់ចុះមកនៅក្រោម៨០ដុល្លារក្នុងមួយបារ៉ែល។ ទោះជាយ៉ាងណា ភាពធូរស្រាលនេះ នៅមិនទាន់អាចជួយស្រោចស្រង់ខ្សែច្រវាក់ផ្គត់ផ្គង់បានទាំងស្រុងនៅឡើយទេ ខណៈដែលដង្ហើមសេដ្ឋកិច្ចផ្លូវទឹកដ៏សំខាន់ ពោលគឺច្រកសមុទ្រហ័រម៉ូស ដែលគ្រប់គ្រងចរន្តដឹកជញ្ជូនប្រេងរហូតដល់២០% នៃតម្រូវការសកលនៅតែបន្តស្ថិតក្នុងស្ថានភាពគាំងណែន ព្រោះនាវាដឹកប្រេងខ្នាតយក្សភាគច្រើននៅមិនទាន់ហ៊ានប្រថុយប្រថានឆ្លងកាត់នៅឡើយ។