#វិស័យពាណិជ្ជកម្ម

ប្រទេសថៃ កំពុងងាកទៅពង្រឹង និងពង្រីកពាណិជ្ជកម្មជាមួយប្រទេសឡាវ ក្រោយការធ្វើពាណិជ្ជកម្មជាមួយកម្ពុជា មានការរាំងស្ទះ បន្ទាប់ពីយោធាថៃ បានបិទច្រកទ្វារព្រំដែនជាមួយកម្ពុជា ទាំងស្រុងដោយឯកតោភាគី ស្របពេលពលរដ្ឋខ្មែរនាំគ្នាធ្វើពហិការមិនប្រើប្រាស់ផលិតផលថៃ។ ជាក់ស្តែងកាលពីពេលថ្មីៗមន្ត្រីជំនាញរបស់ថៃ បានជួបពិភាក្សាជាមួយមន្ត្រីឡាវ ជុំវិញការតភ្ជាប់ផ្លូវរថភ្លើង ដើម្បីជំរុញពាណិជ្ជកម្ម និងឈានទៅសម្រេចគោលដៅពាណិជ្ជកម្ម១១ពាន់លានដុល្លារនៅឆ្នាំ២០២៧ ដែលប្រទេសទាំងពីរបានប្តេជ្ញារួមគ្នា។