#វិស័យទេសចរណ៍

ប្រធានសមាគមទីភ្នាក់ងារទេសចរណ៍កម្ពុជា បានអះអាងថា ចាប់តាំងពីក្រោយប្រទេសចិនបានបើកប្រទេសឡើងវិញមក ចំនួនភ្ញៀវទេសចរជនជាតិចិនដែលចូលមកកម្ពុជាមានការកើនឡើងជាលំដាប់ ដោយក្នុងមួយថ្ងៃ អាចមានដល់ប្រមាណ ២ពាន់នាក់។ អ្នកជំនាញ បានបង្ហាញក្ដីរំពឹងខ្ពស់ទៀតថា ចាប់ពីខែមីនាទៅ នឹងមានការបើកជើងហើរត្រង់រវាងកម្ពុជា និងប្រទេសចិនកាន់តែច្រើនថែមទៀត ខណៈដែលរាជរដ្ឋាភិបាលបានដាក់គោលដៅនឹងស្រូបទាញភ្ញៀវទេសចរចិនឲ្យបានដល់១លាននាក់នៅឆ្នាំនេះ។