#វិស័យកសិកម្ម

បញ្ហាអាកាសធាតុកំពុងគំរាមកំហែងដល់ការបង្កបង្កើនផលដំណាំទុរេន និងស្វាយចន្ទីនៅឆ្នាំនេះ។ បើតាមការអះអាងរបស់ក្រុមអ្នកជំនាញក្នុងវិស័យកសិកម្ម បញ្ហាភ្លៀងកក់ខែ និងបញ្ហាខ្យល់កន្រ្តាក់មួយចំនួនដែលបានកើតឡើងកាលពីពេលថ្មីៗ បានធ្វើឱ្យប៉ះពាល់ដល់ដំណាំទុរេន និងស្វាយចន្ទីរបស់ប្រជាកសិករជាច្រើនដោយវាបានធ្វើឱ្យជ្រុះក្តឹប និងផ្លែ បាក់មែក និងរលំដើមជាដើម ដែលបញ្ហានេះ ចង់ ឬមិនចង់វានឹងធ្វើឱ្យប៉ះពាល់ដល់ទិន្នផលនៅឆ្នាំនេះជាក់ជាមិនខាន។