#វិស័យសេដ្ឋកិច្ច

Moody's Ratings ដែលជាក្រុមហ៊ុនវិភាគ និងផ្តល់សេវាកម្មវាយតម្លៃហិរញ្ញវត្ថុដ៏ល្បីមួយនៅលើពិភពលោក បានអះអាងថា កម្លាំងសេដ្ឋកិច្ច និងទំហំសារពើពន្ធរបស់ប្រទេសថៃ បច្ចុប្បន្ន ហាក់ស្ថិតក្នុងស្ថានភាពកាន់តែលំបាក។ ក្រុមហ៊ុននេះ បានអះអាងថា កំណើនផលិតផលក្នុងស្រុកសរុប (GDP) របស់ប្រទេសនេះនឹងមិនអាចឡើងដល់កម្រិត ដែលខ្លួនបានព្យាករក្នុងរង្វង់២,៩% នោះទេ ពោលគឺអាចកើនឡើងខ្ពស់បំផុតក្រោម២%។ នេះបើយោងតាមការចុះផ្សាយរបស់កាសែត The Nation។