ព័ត៌មាន

​​ពេល​នេះ ​ប្រទេស​វៀតណាម ​កំពុង​តែប្រញាប់ចរចាជាមួយសហរដ្ឋអាម៉េរិកឱ្យបានមុន​ប្រធានា​ធិបតី ដូណាល់ ត្រាំ ដាក់ពន្ធគយថ្មី ខណៈថ្ងៃកំណត់កាន់​តែខិតជិតចូលមកដល់។ សូមបញ្ជាក់​ថា លោក ត្រាំ ត្រៀមប្រកាសពន្ធនាំចូលថ្មីលើប្រទេសជាង៦០នៅថ្ងៃសុក្រ ទី២៤ ខែកក្កដា ឆ្នាំ២០២៦ ខណៈពន្ធគយសកលបណ្តោះអាសន្ន១០% នឹងត្រូវផុតកំណត់។ ស្ថានការណ៍នេះបានជំរុញឱ្យវៀតណាម បើកយុទ្ធនាការចរចានៅនាទីចុងក្រោយ ដើម្បីការពារការនាំចេញ និងបញ្ចៀស​ការរងសម្ពាធពាណិជ្ជកម្មថ្មីពីទីក្រុងវ៉ាស៊ីនតោន។