អឺរ៉ុប ងាកទៅពង្រឹងសន្តិសុខ និងសេដ្ឋកិច្ចជាមួយមជ្ឈិមបូព៌ា ដោយមិនខ្វល់ពីអាម៉េរិក
មេដឹកនាំសហភាពអឺរ៉ុប បានប្តេជ្ញាចិត្តយ៉ាងមុតមាំក្នុងការរឹតបន្តឹងចំណងមិត្តភាពផ្នែកសន្តិសុខ និងសេដ្ឋកិច្ចជាមួយបណ្តាប្រទេសនៅតំបន់មជ្ឈិមបូព៌ា …
វិធានការបិទខ្ទប់ច្រកសមុទ្រ Hormuz មួយតង់បន្ថែមទៀតរបស់លោកប្រធានាធិបតី ដូណាល់ ត្រាំ បានធ្វើឱ្យវិបត្តិដឹកជញ្ជូនតាមកប៉ាល់កាន់ធ្ងន់ធ្ងរ។ ចរាចរណ៍ឆ្លងកាត់ច្រកសមុទ្រនេះនៅពេលនេះបានធ្លាក់ចុះខ្លាំងស្ទើរតែជិតដល់ចំណុចសូន្យទៅហើយ បើធៀបនឹងមុនពេលផ្ទុះសង្គ្រាមអ៊ីរ៉ង់ ដែលជាធម្មតាមានកប៉ាល់ឆ្លងកាត់ច្រកសមុទ្រនេះប្រមាណ១៣៥គ្រឿងក្នុងមួយថ្ងៃ។
សហរដ្ឋអាម៉េរិក កំពុងបិទខ្ទប់ច្រកសមុទ្រ Hormuz ដើម្បីស្ទាក់ចាប់កប៉ាល់ដែលមានទំនាក់ទំនងជាមួយអ៊ីរ៉ង់ ខណៈដែលអ៊ីរ៉ង់ កំពុងឆ្លើយតបដោយការដាក់ពង្រាយអូប័របំពាក់អាវុធវាយប្រហារតូចៗយ៉ាងច្រើនដើម្បីបិទច្រកសមុទ្រនេះ។ ស្ថានភាពនេះបានធ្វើឱ្យតំបន់មជ្ឈិមបូព៌ាកាន់តែតានតឹង និងមិនអាចទាយទុកជាមុនបានសម្រាប់ការដឹកជញ្ជូនទំនិញអន្តរជាតិតាមលប៉ាល់។
ការបិទច្រកសមុទ្រ Hormuz កំពុងបង្កវិបត្តិថាមពលយ៉ាងធ្ងន់ធ្ងរទូទាំងពិភពលោករួចទៅហើយ ។ ការផ្គត់ផ្គង់ប្រេងពីឈូងសមុទ្រពែក្សបានធ្លាក់ចុះយ៉ាងខ្លាំង ដែលជំរុញឱ្យតម្លៃថាមពលហក់ឡើងខ្ពស់ និងបន្ថែមសម្ពាធលើខ្សែច្រវាក់ផ្គត់ផ្គង់ពិភពលោក។ កប៉ាល់រាប់រយគ្រឿងនៅតែជាប់គាំងនៅក្នុងតំបន់នេះ ដោយមានសមាជិកនាវិករាប់ពាន់ម៉ឺននាក់ជាប់គាំងនៅលើកប៉ាល់ ដោយប្រឈមមុខនឹងភាពមិនប្រាកដប្រជាកាន់តែខ្លាំងឡើង។
ដោយ: តែម សុខុម
